Qazaqstan Respýblıkasy Mádenıet jáne sport mınıstrligi Tilderdi damytý jáne qoǵamdyq-saıası jumys komıteti 2017 jylǵy 29 maýsym kúni «Jeksenbilik mektepterde  qazaq tili men ulttyq (ana) tilderdi jedeldete oqytýdaǵy  ádis, tájirıbe, ınovasıa»  atty respýblıkalyq semınar-trenıng ótkizedi.   

Semınardyń  maqsaty – etnomádenı ortalyqtar janyndaǵy jeksenbilik mektepterde qazaq jáne ana tilderin oqytýdyń ádistemesin jetildirý, ozyq tájirıbeni  zerdeleý jáne qorytý, oqytýdyń ınovasıalyq ádisteri men tehnologıalaryn tájirıbege engizý.

         Semınarǵa  QR Mádenıet jáne sport mınıstrligi  Tilderdi damytý jáne qoǵamdyq-saıası jumys komıtetiniń, Sh.Shaıahmetov atyndaǵy tilderdi damytýdyń respýblıkalyq úılestirý-ádistemelik ortalyǵynyń qyzmetkerleri, ádisker ǵalymdar, til mamandary, jeksenbilik mektep oqytýshylary qatysady.

    Semınar barysynda ádisker-ǵalymdar tilderdi oqytýdyń tıimdi tehnologıalary men ádis-tásilderimen bólisedi. Jeksenbilik mektep oqytýshylary men respýblıkaǵa belgili  úzdik ádiskerler panoramalyq jáne sheberlik sabaqtaryn kórsetedi.

      Ótetin orny: Óskemen qalasy, Halyqtar dostyǵy kóshesi, 6 úı   «Edelveıs»  konferensıa zaly